سنة 1919
دي مسرحية لقيتها امبارح وأنا بافرز الكتب والأوراق اللي كانت موجودة في بيت جدتي واللي بقالي 12 سنة بأفرز فيهم، المسرحية كانت في صندوق فيه كراسات المدرسة بتاعة عماتي التلاته، علشان كده بارجح ان المسرحية واحدة منهم اللي اشترتها، الصندوق لقيت فيه كمان غير الكراسات كتيب غريب جدا عنوانه قضية الدهر هاكتب عنه لوحده لأنه حكاية تانية.
المسرحية لمؤلف اسمه فلبس أو ده الاسم اللي استخدمه، موضوع المسرحية ثورة 1919 وعنوانها في الغلاف الداخلي "اليقظة أو سنة 1919"، المسرحية زي ما هو باين من مقدمة فلبس بتركز على موضوع وحدة المصريين في الثورة باختلاف أديانهم، وكمان بتتكلم عن العلاقة الإيجابية بين المصريين والأجانب المقيمين، وواضح من الصفحات الأخيرة بعد نهاية المسرحية اللي فيها إعلانات إن المؤلف له أعمال تانية، وواضح كمان إن المسرحية منشورة بعد يوم 7 يناير 1938لأن الإعلانات فيها اقتباس من خبر منشور في أهرام 7 يناير 1938 عن عمل تاني للمؤلف. يا ترى ممكن حد من الأصدقاء دارسي الأدب أو المسرح يفيدنا بحاجة في موضوع المسرحية أو مين المؤلف ده؟
عرفت بعد نشر التدوينة إن المسرحية أعيد نشرها سنة 2012 في المجلس الأعلى للثقافة بمقدمة لأحمد بهاء الدين شعبان في السلسلة اللي بيشرف عليها الصديق شعبان يوسف.
المسرحية لمؤلف اسمه فلبس أو ده الاسم اللي استخدمه، موضوع المسرحية ثورة 1919 وعنوانها في الغلاف الداخلي "اليقظة أو سنة 1919"، المسرحية زي ما هو باين من مقدمة فلبس بتركز على موضوع وحدة المصريين في الثورة باختلاف أديانهم، وكمان بتتكلم عن العلاقة الإيجابية بين المصريين والأجانب المقيمين، وواضح من الصفحات الأخيرة بعد نهاية المسرحية اللي فيها إعلانات إن المؤلف له أعمال تانية، وواضح كمان إن المسرحية منشورة بعد يوم 7 يناير 1938لأن الإعلانات فيها اقتباس من خبر منشور في أهرام 7 يناير 1938 عن عمل تاني للمؤلف. يا ترى ممكن حد من الأصدقاء دارسي الأدب أو المسرح يفيدنا بحاجة في موضوع المسرحية أو مين المؤلف ده؟
عرفت بعد نشر التدوينة إن المسرحية أعيد نشرها سنة 2012 في المجلس الأعلى للثقافة بمقدمة لأحمد بهاء الدين شعبان في السلسلة اللي بيشرف عليها الصديق شعبان يوسف.
ليست هناك تعليقات:
إرسال تعليق